Trenes turísticos
Trenes Turísticos ye la entidá qu’axunta toes les tipoloxíes de trenes turísticos d’Alsa a nivel nacional y les sos estremaes marques y productos. L’encargu yera asina, el de facer una marca qu’integrare toles esperiencies ferroviaries de tipu turísticu operaes por Alsa a nivel nacional y-yos otorgare un calter propiu.
Na so conceutualización usáronse elementos visuales rellacionaos hestóricamente col tren, como son los cambeos de vía, les torres d’ellectrificación, los postes de señalización… La imaxe gráfica parte d’una doble “t” convertía nun símbolo gráficu: un glifu qu’evoca los postes de les catenaries, les encruces de víes y la propia naturaleza modular del sistema ferroviariu. Esta forma acompáñase d’una tipografía contemporánea, con chisgos al clasicismu y una paleta cromática qu’axunta elegancia (verde inglés) y vitalidá (verde llima), subrayando el calter sostenible y esperiencial del serviciu.
Ye esta, una identidá que permite munches variantes, reconocible y alliniada colos valores del viaxe tranquilu, el esfrute compartíu y la conexón col entornu. Trabayóse especialmente l’adaptabilidá de la marca a cualesquier mediu o necesidá y la so convivencia con otres marques.
Amás del desarrollu la marca y so sistema de versiones, el trabayu de Branding axunta la creación d’un llinguaxe tanto verbal como visual y fotográficu, el diseñu de pictogrames personalizaos y delles aplicaciones en plaques, instalaciones y otros materiales de promoción.
Trabayamos abondo na adaptabilidá la marca cualesquier mediu o necesidá y la so convivencia con otres marques.
